Dialuna anochi a tuma luga e apertura di District Council di Iglesia Metodista, Aruba Circuit, caminda tabata tin alabansa, oracion y tambe varios orador internacional.
Bishop Charles A. Seaton, district President, como tambe Reverendo dr. Joan Delsol Meade, secretaria pa e Conferencia y Reverendo Nichola Barrett-Glasgow, superintendent Minister, a hiba palabra den e apertura aki.
E servicio aki a tuma luga na e Christchurch Methodist Church, situa den Amalia van Solmstraat 3. District Council lo ta te cu diabierna, dia 18 di Januari. Entre e invitadonan pa atende e servicio aki, tabata Su Excelencia Gobernador di Aruba, sr. Alfonso Boekhoudt. A haci acto di presencia tambe lider di AVP y ex Minister Presidente, Mike Eman y tambe varios parlamentario di e fraccion berde, entre otro Robert Candelaria di AVP, como tambe parlamentario Sue Ann Ras di MEP, representando prome minister Evelyn Wever-Croes, como cu e no por tabata presente.
Sigur un momento di hopi gozo entre e fielnan presente, kendenan a tuma e bon palabra di e reverendonan.
