Caribbean Town Villas & Apartments ta situa den e bario di Eagle. Ta un proyecto residencial di no menos cu 330 unidad riba un tereno di aproximadamente 42.000 m2. Ey lo construi 4 edificio grandi di 7 piso cada un, mas 32 cas para riba nan mes. Ta un inversion di mas of menos 65 miyon florin, basa riba financiamento local y dedica specialmente pa e mercado local tambe.
Victor Acosta, di Palmaruba Group, durante un entrevista a comenta cu awe te cu diabierna nan lo tey na Renaissance Convention Center di 4:00 pm 9:00 pm. E intencion ta pa por ofrece informacion tocante e proyecto residencial cual ta unico y innovativo. Lo splica tur esunnan interesa tocante kico ta e rol di sostenibilidad den e proyecto di Caribbean Town.
Tambe lo conta cu e ayudo di e banconan local manera RBC, Aruba Bank, CMB y Banco di Caribe. Fondo Nacional di Garantia pa Vivienda, Fatum y Ennia pa ofrece nan hipoteca n’e futuro clientenan. DIP como departamento di gobierno tambe lo tey pa yuda, pasobra e ta un condicion pa e hendenan cu aplica pa haya tereno. Acosta, ta haci un yamado na tur cu no tin un vivienda na Aruba, esaki ta e oportunidad.
Durante e tres dia nan aki bo por reserva bo studio, apartment, townhouse of villa. Prijs nan ta cuminsa for di AWG 155,000 te cu AWG 330,000.
