Abo ta entre 18 y 30 aña di edad? CEDE Aruba ta ofrece hobennan e oportunidad pa haci trabao boluntario na Europa. Un bon oportunidad pa desaroya bo mes. Dialuna awor dia 4 di april ta organisa un sesion informativo na Biblioteca Nacional.
Un shelter pa cachonan special y lobos, actividadnan cu personanan cu limitacion mental of yuda cu cushina den un compania di catering. Esaki ta proyectonan na Grecia, Spaña y Hulanda, cu International Youth Projects di CEDE Aruba tin. Por manda hobennan na april, juni y september 2022. Por traha boluntario pa 2, 6 of 10 luna. Con largo ta depende di e boluntario mes y tambe di e proyecto. CEDE Aruba ta financia via European Solidarity Corps (ESC). International Youth Projects ta asisti y guia e boluntarionan.
Dialuna dia 4 di april for di 4:30 pm pa 6:30 pm, e team di International Youth Projects lo ta na Biblioteca Nacional Oranjestad (sala Diamante) pa duna un presentacion tocante e proyectonan. Ta invita hobennan pa e sesion informativo, pa scucha con por biaha pa Europa pa haci trabou boluntario.
