Stichting Musica anuncia e oportunidad pa bandanan musical sali “Band of the Year 2019” pa e temporada di Carnaval. Esaki ta e di 2 aña cu Stichting Musica ta eligi “Band of the Year”, un premio cu ta otorga na e banda ganado.
E criterianan pa por cualifica pa “Band of the Year 2019” ta a base di experiencia di aña pasa, hunto cu miembronan di Stichting Musica pa eligi e banda cu mas a contribui na Carnaval en general pa 2019.
Cada criteria tin un balor specifico y ta lo siguiente:
- E banda mester a participa den nos “Aruba Caiso & Soca Monarch 2019” of den “Festival di Tumba 2019”
- E banda mester ta uniforma of bisti costume durante e paradanan
- E banda cu miho animacion den paradanan
- E banda su sonido
- Presentacion di e trailer den e paradanan
- Mester toca e Soca ganado di Aruba Caiso & Soca Monarch 2019 “Hunter 2 Hunted” of e Tumba ganado 2019 “Aruba Ariba”
Lo tin un panel di hurado cu ta cubri full e ruta di tur e paradanan aki ariba menciona. E premio pa “Band of the Year 2019” ta:
- Premio pa e banda ganado “Band of the Year 2019”: Awg 5.000,00
- Best Dressed Band: Awg 1.000,00. E premio aki ta a cortesia di S.M.A.C.
Lo entrega e premio riba diamars 5 di Maart 2019 despues di e “Old Mask Parade” den Aruba Carnival & Entertainment Village. Stichting Musica ta gradici S.M.A.C. pa nan colaboracion pa cu e premio di Best Dressed Band.
E criteria pa sali “Band of the Year 2019” ta disponibel riba e Facebook page di Stichting Musica tambe: www.facebook.com/Stichtingmusica. Stichting Musica semper ta habri pa inovacion y pa cambio unda ta necesario y cu ta beneficia tur e musiconan. E organisacion y directiva di Stichting Musica ta hopi orguyoso pa brinda e premio na “Band of the Year 2019”.
