Oporto a renoba contract di e central Brasilero Pepe te 2023 y e por bisti e camisa te cu su 40 aña. Képler ‘Pepe’ Laveran Lima Ferreira ta biba su di dos etapa cu Oporto, team cu el a hunga na 2004 y 2007, cual el a bay bek na 2019.
“Mi ta spera di sigui conkista titulonan, esey ta e obhetivo cu mi ta lanta tur dia,” e futbolista a bisa. El a señala confiansa den coach y direccion di Oporto cu ta lag’e competi na un nivel halto cu su 37 aña. Desde cu Pepe a bolbe Oporto, el a bira hungado fiho den e linea di defensa p’e team, di cual el a hunga 37 wega y a anota un gol den e temporada anterior.
Pepe a yega Portugal pa hunga cu Maritimo pero despues a bay pa Oporto. El a bay hunga den futbol Spaño cu Real Madrid pa dies temporada. Prome cu el a bay bek Portugal, el a hunga dos aña y mey p’e team di Turkia, Besiktas. Tambe e ta un pilar pe seleccion di Portugal, unda el a hunga den 113 wega y a gana un Euro Copa y un Liga di Nacionnan.
Texto y potret cortesia di EFE/EPA/Martin Rickett /Archivo
