Wardacosta ta keda patruya nos costanan di dia y anochi

Ultimo tempo Wardacosta cu asistencia di Defensa den Caribe a bin ta intensiva patruyanan na  costa cu regularidad. E intensificacion di e patruyanan den e periodo di crisis di corona ta  principalmente pa controla e traficacion ilegal di mercancia y personanan cu ta haci intento pa  yega e islanan cu risico cu personanan por ta infecta cu e virus di COVID-19. Esunnan cu ta  infecta ta forma un peliger pa nos salubridad publiko di nos isla. Recientemente Wardacosta a  detene un lancha cu 26 indocumentado na bordo. Despues cu a haci test di COVID-19 a resulta cu 9 di e personanan tabata infecta cu e virus. Wardacosta ta alerta piscadonan cu ta bay lama pa haci trasbordo di pisca cu botonan Venezolano tambe, pa tene cuenta cu nan ta tuma un risico na momento di contacto humano durante di e trasborde di cargamento. Wardacosta lo keda patruya costa y lama cu e colaboracion di Defensa den Caribe pa e periodo binidero pa sigui proteha y vigila nos costanan.  

Wardacosta ta haci un suplica na habitantenan pa na momento cu mira algo sospechoso of  peligroso riba lama of na costa, pa yama Wardacosta riba e number 913. E number aki ta alcansabel di dia y anochi. Barconan riba lama tambe por tuma contacto cu e Centro di Rescate di Wardacosta via di e canal VHF 16 na momento cu nan mira algo sospechoso of peligroso riba lama. Cu bo colaboracion nos por mantene e costanan y lama safe durante di e crisis di corona tambe.