Minister di Husticia, mr. Arthur Dowers, a cuestiona e maneho administrativo di anterior Gobierno di MEP, señalando iregularidadnan den proceso di contratacion y pago dentro di Departamento di Husticia.
Dowers a duna como ehempel un pago pendiente di aproximadamente 165 mil florin pa un producto entrega na 2024, sin cu e procedimentonan contractual necesario a wordo sigui. Segun e minister, Gobierno awor ta enfrenta e dilema di regularisa e pago of core e riesgo di un proceso legal cu e proveedor.
E minister a menciona tambe contratacion pa radio di Polis, unda, segun su declaracion, tabatin un autorisacion mediante un ministerieel besluit (MB), pero no un contracto formal cu ta establece calidad, garantia y condicionnan di entrega.
Dowers a atribui e deficiencianan na e maneho di su antecesor, mr. Andin Bikker, y a sostene cu e problema actual den Husticia ta resultado di decisionnan administrativo cu a acumula durante añanan.
E minister a enfatisa cu placa publico mester wordo maneha conforme ley y cu contratacionnan mester sigui procedimentonan transparente y formal.
Pa mas lesa TREMPAN.
