Gobierno ta informa comunidad cu lamentablemente debi na e situacion actual di pandemia no por tene actividadnan di Caminda di Cruz of otro actividadnan publico pafo di misa of centro spiritual durante di e dianan di Siman Santo.
Bao di e actual Ministeriële Regeling no ta permiti pa aglomera den grupo ni cana den grupo durante henter dia. Ademas tin Toque de Queda tambe cu ta prohibi pa cualkier persona por ta riba caya entre 10:00 pm y 5:00 am.
Gobierno ta spera cu un y tur tuma nota di e medidanan na vigor cu ta pa proteccion di henter comunidad. Aña pasa tampoco por a tene Caminda di Cruz pa e mesun motibonan.
Den siguiente dianan lo acelera y amplia e programa di vacunacion. Y pronto si e casonan positivo pa dia baha, por cuminsa flexibilisa e medidanan.
