Fenomeno cu keto bay tin polis nan man yen, pero cu consistencia ta continua e control pa elimina esaki por completo.
Durante control di e team special di polis, diamars mainta (9:00 am) a tuma nota di un vehiculo di cual ta sospecha cu lo ta trata di un taxi pirata. A cuminsa un persecucion den area di Ponton, cu a continua den playa (Emmastraat) y termina den area patras di Xavier University.
Na sitio a bin encontra cu e cliente. E taxista pirata a baha e persona aki y sigui core. Polis a haci pregunta y a bin saca afo cu e persona en berdad a paga pa e servicio di transporte ilegal.
Mirando cu e persona aki no por a mustra documentacion di su estadia riba nos isla, a opta pa detene e persona aki y transport’e pa warda. Pa locual ta trata e taxi pirata, polisnan tin tur datos.
