Polis a tuma nota di un persona riba bicilceta coriendo den bario cu tabata actua sospechoso. A acerca e persona aki pa puntr’e riba su presencia den e cayanan di Village.
Esaki a tuma luga den careda di 2:00 pm den Caya Corsou na San Nicolas. E homber a informa cu e no ta di e bario, cu e ta hende di pabou. E tabata coriendo poco bruha of perdi den e cayanan.
Polis a haci pregunta relaciona cu e bicicleta pero e no por a duna cuenta di unda el a haya esaki. Polis a opta e momento ey pa confisca e bicicleta y transport’e pa warda y lo keda pendiente riba e propietario pa bin busca esaki.
