Den e conferencia di prensa anochi di Gobierno, Prome Minister Evelyn Wever Croes no a anuncia aumento di casonan positivo di COVID-19.
No ta conoci si esaki ta debi cu no a haya ningun resultado awe di testnan haci, cu segun a bisa den oranan di merdia, tabata un poco menos cu 40. Anteriormente a bisa cu por haci maximalmente 100 test pa dia y cu a haci casi 700 test caba. Tin 5 mil test kit y si ta necesario por haya mas test kit den forma rapido.
Di e 50 casonan positivo di cual 16 ta di e instituto RESPALDO, trahado y pashent. Pues e kluster ta responsabel pa aumento di e casonan. Mester spera awo kico ta resultado di e testnan haci awe, pero no por bisa di antemano con lihe e lo aumenta.