Placa lo yega ora ningun hende ta horta. “El dinero alcansa cuando nadie roba”, ta un expresion di Nayibe Bukele. Kier acusa e president aki di ta contra derecho humano. E meta di e acusadonan sinembargo parce di ta pa defende esnan cu a haci malo pero no kier mira cuanto sanger inocente a wordo drama. Unda e derecho di e victimanan a keda? Aruba tambe mester di un cambio pasobra tur dia cu pasa derecho
di hende ta wordo kita.
Nos tin un KIA unda yen di detenido y hasta traficadornan di droga ta wordo laga den libertad pa despues di un tempo cortico bolbe wordo deteni pa mesun delito esta contrabanda di droga. Gastamento di placa y hibamento di awa lama.
Aruba ta na cu crusada cu mester bin un cambio den politica. Pa 37 aña largo partido MEP y partido AVP tabata den gobierno. Nos situacion a bira pio ora e gobierno di partido mep a dicidi di subi mercado internacional y fia placa. Esaki a cuminsa den e periodo di gobernacion di partido mep for di aña 2001 pa 2009.
Den e rapport di LAFT tin poni cu gobierno a haci uzo di banconan local pa subi mercado internacional y asina viola articulo 29 di statuut. Gobierno di partido MEP a fia 1.4 biyon florin y esaki ta contra ley. E tristo ta cu no a fia placa pa traha un scol of renoba edificionan di gobierno den decadencia. E proyectonan no a wordo ehecuta cu placa di gobierno sino mester a fia placa cu un termino di 20 aña pa paga.
Partido AVP a drenta gobierno na 2009 y a sigui cu mesun fiesta y tambe a subi mercado internacional y a fia 1.8 biyon florin. Tur e proyectonan ey no a wordo paga for di 1.8 biyon florin cu a fia y tin di wordo paga pa 20 aña largo. Banconan local a gana placa riba custia di pueblo di Aruba paso esaki ta mesun manera cu e companianan estatal a fia placa. WEB Y Aeropuerto ta un bon ehempel di esaki. For di e 3.2 biyon florin di e mega debe causa pa partido MEP y partido AVP, solamente 560 miyon a uza pa proyecto. Seguramente e pregunta ta unda tur e placa a bay? A bende tur hotelnan cu tabata bao di tempo di Aruven y e placa a caba.
Nos por grita Hulanda pa ayudo pero Hulanda no ta miho cu nos. Economia Hulandes a drenta recesion y Europa completo ta den recesion. E agricultornan Hulandes ta keto bay den lucha pa gobierno no kita nan terreno. E matrimonio di mesun sexo tabata e porta pa yega na nos criaturanan inocente cu ta den nan periodo di formacion. E bukinan di pedofil ta wordo traha na Hulanda y despues manda pa Union Europeo. Danki Dios cu e Hulandesnan mes a lanta para y bisa ta basta. Nos yuinan ta sagrado y no ta mishi cu nan ni ta trese bruhacion den nan desaroyo.
Mira kico e Hulandes nan haci na Boneiro ora di a tuma over. A aumenta grondbelasting y e grandinan no tabata por a paga nan grondbelasting y asina nan a haya ta bende nan terenonan. Tur prijs a bay halto menos nan pensioen di biehes. Aruba ta mesun cos. Esaki ta haci cu esnan di clase media lo no por traha un cas mas y esnan cu tin cas lo bay bendenan si e gobierno aki sigui na poder. Si nos mira bon 60% di nos poblacion tin cu biba di minimoloon. Con nan ta hasi pa hiba un bida digno si prijs ta subi cada rato. Nos por ripara cu cada dia cu pasa situacion ta bira pio y nos por sinti cu pueblo no por mas.
E BMEP ta e ultimo clabo riba caha di morto di e gobierno aki. E situacion cu e gobierno aki a hinca Aruba aden lo boomerang riba nan pasobra gobierno a haya mas 1.5 biyon extra den caha di gobierno pero no a paga ningun debe. Situacion ta di Guatemala pa guatapeor. Riba dje gobierno aki a fia mas cu 2 biyon florin y asina hisa Aruba su debe nacional riba 6 biyon florin.
Den 6 aña di gobernacion e gobierno aki a crea un gigadebe. Pa situacion cambia mester bin un gobierno cu curashi y pone gobierno Hulandes responsabel pa no a actua sino a consenti pa e sink pais Aruba y na di 2 lugar pone esnan cu a goberna Aruba responsabel pa a sink Aruba. Carta a wordo manda Hulanda y a mustra riba e crisis financiero di pais Aruba. Gobierno Hulandes lo a coy e carta pone un banda y no a actua.
Si partido Curpa haya oportunidad pa goberna nos lo pone Hulanda y nos gobernantenan responsabel pa e situacion cu Aruba ta aden. Nos tin un parlamento cu no ta funciona y nan ta causante tambe di e situacion financiero di pais Aruba. Partido Curpa tin un plan pero pa ehecut’e mester ta den gobierno. E gobernantenan y parlamentarionan aki ta bay cosecha locual nan a sembra. Dios su tempo ta perfecto. Partido Curpa e unico alternativa!
