Manera ta conoci, Nagico ta recorda ariba su competencia di arte cu yama ‘Nagico’s Carnaval Art Contest. E competencia lo saca un ganador cu lo gana 2 Pasashi, Estadia pa 5 dia y un tour na Miami. E competencia tin objetivo pa celebra nos talentonan local entre 13 cu 18 aña di edad por media di traha un diseño creativo pa Nagico. Esaki lo wordo usa riba e trailernan di e bandanan cu Nagico lo patronisa pa Carnaval 65. Mas importante ta cu e artista hoben aki lo ricibi un reconocimento grandi caminda cu pueblo di Aruba lo bai admira su arte durante henter e temporada di Carnaval.
Pa por participa ainda por manda e diseño sea personalmente na oficina di Nagico na Savaneta/ Dakota of via por haci esaki via email na [email protected]. E diseño por ta traha den computer of por ta pinta na man usando diferente disciplina di arte. Esaki ta keda libremente na cada artista hoben. E color tambe ta keda libremente na inspiracion di cada artista. Tambe ta importante pa menciona cu e artista hoben tin cu yena un formulario di registracion pa por entrega hunto cu e artwork. Por pasa busca e formulario di registracion na un di nos oficina nan of por download esaki via e facebook di Nagico https://www.facebook.com/nagicoarubanv/.
Ultimo dia pa entrega e diseño ta 30 di November 2018. E resultado di e competencia lo sali den publicacion dia 10 di December 2018. Esaki lo ta despues cu un team di hueznan lo delibera riba cual diseño ta esun mas creativo pa Nagico Insurance profila su mes durante e temporada di Carnaval.
Sin lubida, como premio e artista hoben lo gana Dos (2x) Pasashi Ida y Buelta pa Miami, Accomodacion pa 5 dia y un tour di arte den e districto di arte Wynwood.
Nagico ta contento di mira nos artistanan hoben y nan talento unico.
