Mastercard recientemente a anuncia e decision di elimina Maestro debit card na 2023 y esaki e lo nifica pa e cliente y su placa.
Pa meymey di 2023, e carchinan di debito, Maestro lo no ta disponibel mas, segun Betaalvereniging Nederland (Asociacion Hulandes di pago).
Dicon ta elimina e carchinan de debito?
Motibo ta cu esaki no ta duna e cliente e opcion pa paga cu nan carchi pafo di Europa y te hasta e pagonan online mester hay via e sistema di pago online iDeal.
E doñonan di carchinan di debito Maestro, hopi biaha no por haci uzo di nan carchi Maestro na momento cu nan kier cumpra productonan den tiendanan pafo di Europa.
Y, hopi biaha nan no tin un credit card cu nan por haci uzo di dje den cualkier caso (creditcard ta algo cu solamente 55% di e ciudadanonan Hulandes ta den posesion di uno).
E Visa Debit y Debit Mastercard cu ta den proceso di introduccion actualmente ta pa remedia e situacion aki.
Kico esaki ta nifica pa esunnan cu tin un carchi Maestro?
Afortunadamente,e portadornan di e carchi lo no mester haci nada, ya cu e banconan, automaticamente manda e carchi nobo pa au clientenan den transcurso di aña aki.
Mas di mita di tur e tiendanan na Hulanda awo ta acepta Debit Mastercard y Visa Debit, pa cual nan no mester preocupa cu nan no por paga nan recibonan, mientras cu e carchinan nobo ta yega.
