Taxistanan pirata tambe ta un fenomeno conoci na Corsou. John Cijntje a splica cu na Corsou nan ta den e fase di e taxistanan, kendenan lo bay haya un taximeter den nan taxi y e intencion tambe ta pa e taxinan cu wordo reuni den organisacion. Pa controla e fenomeno di Taxistanan pirata, ta cuminsa cu handhaving, cual ta algo sumamente importante. A cuminsa cu entrevista caba. Ta papia di Hulanda. E organisacion su tras ta hopi importante pa duna e servicio, pero e control riba e crecemento di organisacion, esey ta keda un cos hopi importante.
Cuanto bus como compania
Actualmente ABC tin 38 bus activo y nan ta haya anualmente 9.2 miyon como subsidio for di Gobierno. Cijntje a splica cu nan ta haya basta pasahero, pero e intencion si awor aki ta pa amplia nan mercado mucho mas tanto, door di brinda un miho servicio. Ta bisa na inicio di bay traha un plan di maneho cu ta bay encorpora esaki.
Turistanan
Mas y mas ta ripara cu turistanan ta haci uzo di transporte publico y ABC ta purba di tune in riba esaki. Nan tin e asina yama e smartpass cu nan a introduci y pronto nan lo introduci e tourist pass, caminda e turista por haci uzo di transporte publico. Lo acerca e hotelnan pa supply esakinan na e turistanan.
Vandalismo den bus
Pa loke ta vandalismo den bus, ta papia mas tanto den e area preventivo. Pa nan, prevencion ta importante. Naturalmente ta duna e chauffeurnan mas tanto informacion cu ta posibel co nan lo tin cu atende den casonan di violencia. Pa siñanan, na luga di escala, desescala e situacion. Naturalmente tambe e chauffeurnan ta bon cubri door di centrale post. Na dado momento cu cosnan tuma luga, nan por tuma accion mesora y haya e sosten cu ta necesario.
Camara
Actualmente nan no tin camara den bus. E busnan nobo si tin camara
Attachments area
