Colega y amigonan di Corsou a bin topa cu e empleadonan di Arubus. Segun director di Arubus, Teo Croes, ta un grato placer pa tin nan na Aruba. E parti ta uno social, caminda cu lo tuma bek. Den e sentido cu lo bay cuminsa cu un festival di canto. E prome lo bay ta na Corsou, invitando Boneiro tambe. Aki na Aruba lo forma un grupo pa bay. Lo bay ta cu famia, amigonan, tur esnan cu ta interesa pa bay.
E idea ta pa yega na e cooperacion pa por tin un laso social entre dos compania cu ta di dos diferente isla.
Tur loke cu por haci pa e parti social, ta bon pa tur trahado. E ta algo cu e tin su balor agrega. Bo ta den un otro ambito, un otro cos cu no ta trabao.
Taxinan pirata no ta cay bao di competencia
Aruba y Corsou ta casi similar. Aunke por bisa cu aki tin hopi mas taxi pirata. Ta un fenomeno cu ta casi dificil pa bisa y no ta cay bao di competencia. Esaki ta cay bao di e Departamento di Transporte publico. Tur caminda tin’e. Inclusive na Hulanda, caminda cu Gobierno no por haci mucho riba nan. Esey ta e caminda cu gobierno tin cu traha hunto cu DTP, pa wak con por limit’e. Locual ta e confiansa, cual ta hopi importante, ta e ontime performance. Nos infrastructura, compara cu Hulanda, no ta apto pa mantene. Tin biaha ora cu yega na Kooyman na Dakota, e por dura 10 minuut pa yega stacion, e por dura mey ora, of 45 minuut. Esey ta e dificultad cu tin den trafico. Na Hulanda tin e buslijnen, cual ta hopi mas facil pa mantene.
Mas hopi autobus
Aki na Aruba tin un tiki mas cu 100 autobus, pero na Corsou tin mas cu 300. Asina mes, Arubus tin’e dificil. Na Corsou, transporte publico ta mas bibo compara cu na Aruba. Akinan, 30% di e usuarionan ta turista, sea cu ta pasaheronan di crucero of for di hotel. Tin menos bus chikito. Tin hopi mas ruta compara cu Corsou, nan no ta core binnerwijken manera cu Aruba ta core. Nan tin rutanan mas principal. Esey toch sinembargo, cu e volumen di ocupacion y ekipo ta mes hopi compara cu Corsou.
Intercambio di material
Segun Croes, locual cu kier haci ta tanto material, piesa wak si por cumpra hunto y e importancia tambe ta, ta training cu por haci hunto. Tanto pa e chauffeur como e mecaniconan. Esey lo bay spaar placa y lo tin su beneficionan mas grandi, pasobra ta haya un training mas formal, un training mas miho hinca den otro.
Trainingnan hunto
Dentro di poco, prome cu fin di aña ainda Croes lo bay Corsou, pa asina hunto cu director general di Autobus Bedrijf Curacao, pa por hink’e den otro. A papi’e caba. Tabata tin e proposicion y awo tin cu bay concretis’e. Awo tin cu djis bay Corsou, pa sinta y wak con ta hink’e den otro.
