Desde e pandemia a yega, esnan mas perhudica ta den e mundo di entertainment. Esaki ta bin pa motibo cu hopi di nan a keda sin trabou. Nan meta ta pa sinta cu gobierno pa yega un solucion, por sigui eherce nan trabou y sin kibra protocol di salubridad. Nan ta e prome grupo para y lo ta ultimo yama pa traha bek, nan ta biba riba FASE. Hopi di esnan cu a cobra FASE ta bek na trabou, pero nan no.
Nan enfoke ta pa cuminsa bek y no viola ningun protocol di gobierno, crisis team y DVG. Nan kier sigui traha, pasobra ta yegando un piek economico di e catastrofe economico hopi grandi. A pasa 7 luna y por sostene esey pa un tempo, di cual por sostene riba savings, gobierno a yuda nan un tempo pero a yega ora pa cuminsa traha, MichelAngelo a expresa. E punto di Aruba Entertainment 2020 ta e manera con pa yega na otro pa un acuerdo.
Offo Escudero a expresa cu ta importante pa nan hiba e palabra eyfo. Tin hopi hende ta mira musiconan, DJ como algo di pasatempo. Esey no ta e caso y ta recorda tur hende cu e trabou ta manera otro. Hopi di nan ta biba completamente di esey so, pero ta compronde y respeta tur cos cu DVG, gobierno, crisis team a trece dilanti. Ta importante pa tur compronde cu ta yega un momento despues di shete luna sin entrada, ta bira dificil pa por sigui biba. A pasa shete luna, no s kico lo sigui pasa si sigui extende tipo di cosnan aki un tiki mas.
DJ 101 a expresa cu otro paisnan a haya manera pa mundo di entretenimento sigui y Aruba tambe tin di yega na un solucion. Esaki no ta momento di competi entre otro, pero ta momento di union, di sostene otro. Nan ta dispuesto pa sinta y scucha, pa coopera. Tin cu corda cu e industria aki ta promovi rond mundo, el a expresa. Turistanan ta bin unda ta entretene nan, entre otro hotelnan.
