Aruba a perde un gran baluarte musical den persona di Bibi Gibbs. Un baluarte musico y un gran trombonista. Un persona cu a contribui grandemente na Aruba su cultura musical, un agente policial di KPA y un bon tata di famia.
Varios di su coleganan musical, manera e.o. Claudius Philips, Leo Rodriguez a bin pa asina recorda y rindi homenahe na un gran amigo y un gran musico.
UN POCO DI BIBI
Cu edad hopi hoben Arnaldo ‘Bibi’ Gibbs a cuminsa practica algo cu e tabata gusta hopi: Esta ‘Baseball’. Hunto cu su ruman grandi Austis, nan tabata train den cura, p’asina despues hunga e posicion di ‘catcher’ den e ekipo di Little League Sapolin.
ULTIMO HOMENAHE
Diahuebs a tuma luga un homenahe cu su amigonan den mundo di musica a rindi na su memoria. Varios ta e personanan conoci den comunidad pa nan trayectoria musical, cu tabata t’ey e anochi aki pa asina den union, rindi un ultimo homenahe na Arnaldo ‘Bibi’ Gibbs.
Claudius Philips
Un di e musiconan aki tabata Claudius Philips, director musical di Claudius & Oreo. Pa un tempo, Bibi a forma parti tambe di e agrupacion aki. El a conta cu el a topa Bibi den nan prome banda, cu tabata Control Power, hunto cu ruman di Bibi, Austis, tempo cu nan tabata tin diesdos aña, den decada di 1970. Di eynan, nan a bula forma parti di Musical Time.
Pa un relato mas amplio, lesa TREMPAN
