Crimen ta asotando e comunidad y esaki a activa un biaha mas e deber civico di hopi cu ta purba di duna un man pa frena esaki mas cu por.
Esaki mes ta e caso, caminda un ciudadano ta manda nos redaccion un video caminda a capta un persona sospechoso ta bula di un cura pa otro den e bario di San Barbola.
E ciudadano tambe a menciona cu pa varios siman e dicho bario a confronta basta caso di crimen caminda cu a kibra den auto na diferente cas. A duna un descripcion di un persona color scur, cu hoodie riba cabes ta rondona e area den marduga. Ta netamente local a capta den imagen y pa e motibo aki ta alerta e comunidad di e sospechoso aki pa nan ta preveni y alerta riba e persona aki den bario.
Imagen di camara a capta e persona den careda di 1:30 am (marduga) ta pasa den cura di e cas. Informacion cu a ricibi, ta cu dicho cas ta un Airbnb caminda ta hospeda temporalmente y ora no tin huespet, esaki ta bashi pero naturlamente cu vigilancia di un compania di siguridad cu tin camara.
Ta conseha un y tur pa tuma contacto cu polis of manda un tip na 11141 cu ta e liña anonimo di polis pa duna bo informacion, si acaso bo ta mira cualkier movecion sospechoso bandi bo cas.
