Diadomingo pa 10:00pm a yama polis pa interveni den un problem na 809 Night Club situa na Wilhelminastraat # 100. Parce cu ey a start un pelea entre dos dama bebiendo den e bar y e miembro di siguridad di e club.
Polis a papia cu ambos señora y tur cos a keda bou control. Polis a bandona e sitio y despues di 10 minuut a bolbe pidi presencia di polis cu urgencia p’e mesun sitio debi cu e damanan no a keda mucho contento y a yama nan pareha y un di e hombernan a presenta cu un machete pa regla cuenta cu security di e luga.
Ora polis a yega no a topa cu e homber ni cu e machete. A detene e dos muhenan problematico debi cu ambos tabata burachi riba caminda publico. Probechando nan presencia y despues di constata cu e bar no ta tene su mes na reglanan di distanciamento social, polis mes a pidi pa presencia di e Taskforce di DVG na e sitio pa sigura cu 809 Night Club ta respeta e reglanan di DVG.
