Na Aruba tin un caso andando cu un dama cu a yega cu One Way Ticket for di Canada. El a drenta Aruba y a bay keda na Bucuti na un compleho di apartamento.
E dama turista aki parce tin problema mental tambe. Via Merca el a drenta Aruba for di Canada. Awor e ta pega na Aruba causando problema y sin placa pa paga apartamento.
A purba sake for di Aruba pero no a logra pasobra nos mesun hendenan di Grens Bewaking a core bay habri wowo di autoridad Mericano na Airport y nan mes no kier pa e bay bek Canada riba mesun ruta cu ta via Merca. Nan kier pa e bay straight Canada y awor e ta pega aki. E dama a yega Aruba kima miles di dollar den casino y awor pa basta siman moviendo rond sin paga estadia y sin tin ticket pa bolbe su pais.
Polisnan y Ambulance a bay na Bucuti Weg pa atende cu e problema y a busca tur manera pa regla su situacion pa e bay pero envano. Ta spera cu e siman aki ainda por logra sake bek pasobra e lo bira un problema serio pa husticia. E turista aki pa colmo ta Bipolar y un hende asina por bira un problema tambe pa e comunidad.
