Dia 20 di september Minister di Finansa a comenta riba media social cu ta paga gevarenpremie n’e polisnan. Polis tin inkietud pa motibo cu nan no ta mira e gevarenpremie riba nan payslip.
Minister di Finansa, mr. Xiomara Maduro, a splica durante rueda di prensa di diahuebs cu e no ta specialista den parti di recurso humano. Pero den transcurso di tur discusion cu tabatin, na 2018 a haci diferente investigacion. E mandatario a haci diferente pregunta y nan a splica su persona cu e schalering di polis ta diferente cu e otro executieve diensten. Polis ta mas halto, pa motibo cu den nan schalering tin caba e gevarenpremie.
P’esey e ta diferente cu uno basa riba LMA, basa riba e otro ambtenaarnan cu no ta executieve diensten. Segun e mandatario, esey ta loke el a comenta riba su Facebook, riba pregunta cu a haci. El a enfatisa cu su persona ta Minister di Finansa, e conocemento cu e tin riba e parti aki di recurso humano ta bin door dje preguntanan cu a bin di e investigacionnan haci riba reduci gasto personal.
Pa lesa mas subi TREMPAN.
