Algo pasa di 10or di mainta a sosode un accidente riba e caminda di Ponton. Esaki tabata net dilanti di Espiga de Oro. Polis di trafico a presenta na e sitio di e accidente pa asina investiga kiko exactamente a sosode. E manehador di e brommer a conta polis cu e tabata bayendo direccion zuid y su dilanti tabata tin un pickup Toyota Hilux.
Na dado momento e pickup a bay bira na su man robes sin pone señal pa lora cu consecuencia cu e brommer a dal den e pickup y despues bay pega riba un Chevrolet shinishi para den parkeerplaats. E manehador di e brommer a ricibi algun rasca na su curpa. Ambulance tambe a presenta pa asina paramediconan duna e manehador di e brommer asistencia. Daño material tabata minimo.
