Un luna y mey pasa a pone nan prome piedra y awo por wak e fruto di e trabao, Omaira Leysner, cabesante di Cas Sjabururi a menciona cu e ta bayendo riba un bon speed y ta spera cu pronto e habitantenan por goza di nan camber individual. Ta papiando di seis camber, un TV-room y un camber pa cada cliente.

Ta un bunita proyecto di e di 55 aña di existencia, cual por a logra keda cla cun’e. Els van Homelen, directora di SVGA a agrega na henter pueblo di Aruba, cu pa nan 55 aña, nan lo tin dianan di bishita na e fundacion y esey lo ta dia 24 di september, for di 8’or pa 11’or di mainta, scol Dununman lo ta habri pa wak.

Cas Sjabururi a celebra e punto di mas halto di su cambernan nobo
https://24ora.tv/2matShQ

Posted by 24ora on Sunday, September 15, 2019

Dia 25 di september, Pasadia Briyo di Solo y Centro Man na Obra lo ta habri di 9’or pa 11’or di mainta, caminda tur hende por bin wak kico tur ta wordo haci.

Y dia 26 di september, Cas Sjabururi, ta habri pa bin wak con leu nan ta riba e dia ey cu e construccion y cu e cas existente con e ta funciona. Entre 8’or di mainta y 2’or di merdia.

Tambe riba dia 26, Pasadia Bibito Pin tambe lo ta habri entre 9’or y 11’or di mainta, pa tur hende por bin mira e servicio na e cliente. Ta haya importante pa comparti cu pueblo di Aruba, pa nan haya sa mas di e trabao cu ta haci cu e personanan cu un discapacidad intelectual.

Minister Glenbert Croes, ta felicita SVGA, tambe tur habitante y trahadonan di Cas Sjabururi. Tambe ta felicita e contratista cu a haci un bon trabao na e edificio. Comunidad a yuda masha hopi mes den esaki. Tur hende a colabora y nan riba nan propio forsa a realisa e proyecto aki. Aruba tin un deber pa duna tur hende special, cu nos stima specialmente, un forma di biba special. Awor aki nan ta hay’e cu nan cada uno ta haya nan camber individual. Esey ta algo hopi bunita, hopi necesario. Aporta enormemente na nan calidad di bida, cu ohala tur e proyectonan di SVGA ta bezig cun’e, por realisa proyectonan ainda mas grandi, e mandatario a comenta.

Comments

comments