Diaranson mainta un patruya riba e caminda di Paradera direccion Playa a mira con dos homber cu un scooter riba caminda tabata core y nan a dal un peaton.
E scooter no a para. Polis a pone Sirene y bay tras di e brommer. Despues di un persecusion nan a cay. Asina mes no a logra para e brommer. Un di esnan riba e brommer a subi y core bay cu e brommer mientras cu e otro a keda benta eynan y Polis a detene.
Esey tabata direccion Playa banda di Acropolis Plaza. Awor e mester bay splica kende tabata e otro cu tog a logra huy cu e scooter Gilera. Ora cu nan a cay varios cos a keda benta riba caminda. Boter di refresco y tools cu paña y pieza di brommer. Esun cu a keda atras no a copera masha y a resisti detencion.
Polis a traha cune pone plat na tera. E tabata expresa varios cos contra Polis y ora a hinke den dogcatcher hasta a skop e porta di dogcatcher. Ora a caba cu e sospechoso na e sitio, Polis a bay bek na e sitio na Paradera pa mira si por a topa cu esnan cu e motociclisatanan a pasa dal y purba huy.