Diamars algo despues di 1:00 pm un accidente a sosode riba e t-weg di L.G. Smith Boulevard y Arnold M. Schuttestraat. Esaki ta e caya net entre Renaissance y sede di gobierno.
Na e sitio a tuma nota cu e accidente aki tabata culpa di e chauffeur di auto di huur, cu a sali crusa y bira unda pa ley no mag.
Riba caminda ta hopi cla, por medio di borchi, cu solamente mag bira direccion pabou (drechi) di e boulevard. E chauffeur no a mira e motociclista y bay dal su auto den e scooter.
Polis a cera caminda parcialmente y ambulance a atende cu herido cu tabata keha di dolor na su pia, pero no tabata di gravedad.
