Riba diadomingo 4 di april, bishitantenan di Moomba Beach por disfruta di un tremendo Easter Sunday Brunch cu ta surpasa tur brunch riba nos isla. E prijs ta $25 pa persona. E parti fantastico di esaki ta cu cuminda ta ilimita. Pa muchanan lo tin pintament’i cara gratis. E Sunday Brunch lo conta cu un buffet extravagante, cu un stacion di desayuno cu omelet, french toast y pancakes. Un stacion friu cu Asian noodle salad, bruschetta, cocktail di cabaron, wrap di salmou, salada vegetariano y salada di goat cheese. Lo tin dos sopi: onion y seafood chowder. E buffet di plato fuerte lo inclui carni stoba estilo Burgundy, grouper cu sauce crioyo of galiña den saus di mushroom truffle.
Pa personanan cu ta come estilo vegetariano lo tin opcion di grilled Mediterranean vegetables. Adicional di tur esaki, tambe lo por scoge entre dos diferente pizza. E opcion di pizzanan lo ta: margherita y pepperoni.
Dessert merece hopi espacio den bo barica, pasobra bo lo tin e opcion di apple pie y dark chocolate brownie.
E brunch ilimita aki ta un treat cu bo por saborea cu Mimosa friu friu of cu Sangria; ambos cu prijs special (no ta inclui den e prijs). Pa mimosa ilimita, djis agrega $15 riba e prijs.
Lo ta ideal pa haci bo reservacion na Moomba mas pronto cu ta posibel. Tur medida di COVID ta aplicabel. Disfruta y feliz Pasco Grandi!
