For di oficina di GLW Foundation nos a ricibi e informacion cu tur cos ta ser prepara pa Miss Teen Aruba International 2020. E aña aki celebrando 12 aña di eleccion unda cu durante añanan Miss Teen Aruba International a sa di demostra cu e comishon ta traha den e mihor formacion di e candidatanan y e logronan durante e utimo 14 añanan aki cu George Winterdaal como Presidente pa e prueba di e trabou cu e candidatanan. Paisnan unda e candidatanan a bai ta Rep Domincana, Panama, El Salvador, Bahamas, Guatemala, Costa Rica y mas.
Tambe desde dia uno cu George a tuma e presidencia di Miss Teen Aruba y despues Miss Teen Aruba International a usa e lema Algo mas cu un certamen di beyeza y esaki ta wordo haci tur aña cu diferente proyectonan . GLW Foundation ta haci e.o Cupcake di Speranza y tambe Un man pa nos ruman, y tambe un sin fin di actividadnan caritativo cu e candidatanan.
Bo tambe kier participa ? Wel ta masha facil?
Bo tin e edad di 15 pa 18 aña? Bo tin gana di biba un experencia unico? Bo kier representa Aruba na nivel international? Bo ta bishita un skol secundario? Wel esaki ta bo chens pa participa.
Gastonan ?
Hopi biaha e preocupacion di Mayornan ta e gastonan halto cu no nesesariamente ta asina, hopi biaha e preparadornan ta pone mayornan haci gastonan innesesario y pesey ta importante pa nos splica tocante e gastonan, di cual e gasto mas grandi y basicamente e unico gasto ta e trahe di gala cu no nesesariamente mester ta un shimis demasiado costoso paso e trahe no ta saka e candidata. E candidatanan lo ricibi di e commission organisador differente Tshirts/ Polo Shirts di Miss Teen Aruba International cual ta ser usa pa e diferente actividadnan. Otro gastonan chiquito ta kisas algun assesorio, sapato pero basicamente esey ta tur cos.
Otro cambio ta e Miss Teen Folklore unda semper e candidatanan ta prepara un plato tipico y presenta esaki cual tambe ta un gasto pa e candidata pues e aña aki lo ta diferente, paso e candidata lo mester prepara un baile di 3 minuut y e dia ey mes comishon mes lo tin platonan tipico na benta y un bar bon surti y e entrada pa e anochi aki ta gratis y e prijs pa e platonan ta Afl. 10,00 y esaki lo tuma lugar na Fort Zoutman. Otro cambio ta e evento di Speech cu e aña aki lo bira Miss Teen Press y tambe e anochi di Award ta bira un anochi di entrega di premio, pues tur esaki pa baha e gasto di candidata y tambe pa e benta di e entradanan bai mas facil.
Si cualkier mayor ta desea mas informacion por yama libremente George Winterdaal na 5616151 y asina por ricibi tur informacion y detaye.
GLW Foundation a prepara un agenda di actividadnan masha masha leuk mes cu hopi eventonan unda nan lo siña hopi pero tambe lo have fun y disfruta di e temporada 2020
Nos ta desea GLW Foundation tur clase di exito pa e temporada nobo di Miss Teen Aruba International.
