Colombia mes, como destino ta riparando cu varios aerolinea ta bulando pa Colombia. Ta mira Avianca constantemente ta añadi mas vuelo.
Directora di ATA Latino America, Miriam Dabian a comenta cu por mira cu Avianca tin dos vuelo diario. Tambe tin LATAM cu dos vuelo y Copa tambe ta surti Aruba desde Colombia, pero via Panama.
Wingo ta bula ora cu tin high season. Nan ta pone dos pa tres vuelo pa Aruba.
Demanda
Aruba ta hopi den tendencia di moda, no solamente na Colombia, pero den Latino America. Aña pasa a uni tur e parti di comunicacion bao di un solo cas, cual ta Mulen Lowe, cual ta nan agencia di publicidad. Aki a pone tur disciplina bao di un solo dak, red social, Aruba.com, ATL, tur comunicacion out of home y tur e comunicacion digital.
Ta purba mantene nan mes cu e tendencia di comunicacion y ta haci den aña por lo menos tres back place. E aña aki a promove Aruba durante One Happy Day cual tabata dia 20 di Maart. Rond di dje a usa un campaña pa promove Aruba como e isla mas feliz di mundo.
A tuma e tema eynan y a involucra tur stakeholder, tanto aerolinea, como operador, como nan stakeholdernan na Aruba, pa yuda haci y bin cu algun promocion, hunto cu e comunicacion di Aruba.
Na Augustus/September a bin cu Big Place “He said yes”, unda cu a promove pa e damanan pidi nan novio pa casa na Aruba. A dividi’e den tres campaña, unda cu e damanan por a registra nan mes y conta nan storia y e ganadonan a bay Aruba. Tabata tin un pareha Chileno y un Colombiano. Aki a pidi nan novio pa casa, unda ambos a bisa si.
Esey tabata e idea.
Si kier mira e videonan por bay riba Youtube, riba Aruba, He said yes. Riba Google, e campaña y videonan tabata e tendencia y a bira un record. Cosnan cu normalmente no lo pasa cu un campaña. Esey a haci’e pa mustra empoderamento femenino y tambe a yuda pa promove romance. Casamento, honeymoon, solicitud di matrimonio. Esey a pone subi nan reconocimento como isla romantico den Caribe.
Awor aki durante Black Friday a probecha cu henter mundo ta riba internet buscando deals, a haci full un campaña, unda cu nan stakeholder a apoya ATA pa haci promocion, caminda cu e aerolineanan a bende prijsnan supremamente abao pa bay Aruba.
Esey ta tres momento hopi fuerte cu a pone Aruba in the picture.
Mision
E parti romantico ta mas cu ta atrae e biahero. Tambe e parti gastronomico y e parti cultural tambe ta un atraccion. Awor aki e roundtrip door di San Nicolas tambe ta birando importante. Por bisa cu Aruba tin cosnan cu henter aña cu por atrae e Colombiano. Prome cos cu nan ta busca ta solo, beach, bon hotel y bon gastronomia.
Seccion Latino America
Pa 2019 ta bay ta den cierto paisnan hopi atractivo. Algun pais mas tough, manera Argentina, cu e devaluacion di nan peso, pa Aruba e ta bay ta un reto. Pero tin un target pa cumpli. Lo bay pone mas atencion riba Argentina. Brasil ta creciendo poco poco, aunke tambe tin reto cu su reales, cu dollar a bira fuerte eynan.
Toch tin hopi speransa cu por logra nan target.
Colombia su target ta hopi mas grandi y Chile, tambe Peru. Peru ta un mercado creciendo y lo bay pone hopi mas esfuerso riba Peru. Tambe cu ideanan di bin cu cosnan nobo, manera vuelonan nobo. Pero ta purbando di traha via Peru.
Venezuela
Tin un strategia di mantenimento. No por laga Venezuela cay. Aunke cu Venezuela a cay cu 50%, e cifra cu ta yegando, cu ta kedando na hotel, ta halto y ta dificil pa reemplasa cu un otro mercdo den e region.
Tin e hendenan ainda hopi leal na Aruba. Bo tin famianan cu a bay biba na otro paisnan den region, of Merca. Pero via Merca nan ta cumprando ticket pa nan famia bin Aruba di tur manera. Tin informacion caminda cu for di South Florida, tin mayor cantidad di benta cu nan ta haci, unda cu por midi. Nan ta cumpra nan ticket of estadianan pa hendenan cu ta biba na Venezuela. Ta mira toch cu Aruba ta sigui ta importante pa e Venezolano cu ta biba eynan, cu tin cu sali pa vakantie entre otro, nan ta haya Aruba toch como e destino ideal pa nan por logra nan relahamento y desfrute.
