Minister di Naturalesa y Transporte, Ursell Arends a splica cu e maneho cu e ta hiba no ta uno contradictorio pa e carteranan aki. E mandatario a indica esey durante e conferencia di prensa ofreci diahuebs mainta en conexion cu e anuncio rond di ciera di dump di Parkietenbos.
Arends a duna di conoce cu nan ta cumpli cu standard internacional pa aviacion civil, tras e pregunta di periodista Andreina Morillo si ta tene cuenta cu regulacion di e International Civil Aviation Organisation Division di Nacionnan Uni (UN ICAO) cu ta bisa cu no mag di tin dump cerca di aeropuerto.
T’asina cu slijp of sludge cu ta laga riba e taping floor di dump ta atrae parha pa bin come y esakinan por causa un peliger pa avion cu ta subi y baha eybanda. “Mi no lo haci algo contradictorio cu mi propio ministerio,” asina Arends a declara, añadiendo cu Directie Luchtvaart ta haciendo tur tarea pa informa nos y pa nos cumpli cu tur rekisito cu ICAO ta prescribi pa Aruba.”
Fuera di esey, Morillo a puntra e mandatario con ta bay legalisa e operacion di otro compania, ya cu aworaki, segun Landsverordening Instelling Serlimar, e ta e unico instancia legalmente autorisa pa maneha desperdicio. Minister Arends a indica cu ta bay legalisa esey pa medio di un Ministeriële Beschikking (MB) y ora cu Serlimar ta den condicion financiero bek, tambe lo procesa sushi.
Pa e relato completo, lesa edicion di TREMPAN
