Ministerio di Desaroyo Teritorial, Infrastructura y Medio ambiente a tuma nota di un denuncia publico haci pa un ciudadano cu fam Morales, cu lo ta indica cu tin actonan iregular cu su persona lo a encontra su mes aden cu Leoncio Corona. E ultimo aki ta un campañado ferviente di Otmar Oduber y te awe, tur dia ta yama na radio emisoranan pa defende maneho di Minister Otmar Oduber. Pero, aki na redaccion di 24ora.com ta yegando cantidad di denuncianan pa mal practicanan y estafa di e homber aki contra otro ciudadanonan.
Minister a enfatisa cu ni señor Morales, ni señor Corona ta traha pa Gobierno y no tin ningun vinculo di trabao cu ambos persona. Por lo tanto Minister Otmar Oduber ta distancia su mes totalmente di dicho acusacionnan y ta conseha ambos ciudadano pa acudi na e instancianan concerni pa entrega nan keho contra otro.
Na un forma hopi categorico ta subraya cu Ministerio di Desaroyo Territorial, Infrastructura y Medio Ambiente no ta apoya actonan empugna cu e maneho publica y/of leynan exisitente. E ministerio completo, incluyendo su departamentonan, ta para pa un maneho integro y transparente.
