Minister Dangui Oduber, encarga cu Salud Publico, a bisa di ta na altura di e caso di e hobencita Shady, kende mester bay Hulanda pa tratamento medico avansa. Pa esaki e famia a organisa diferente evento pa recauda fondo.
E mandatario a bisa cu nan lo kier yuda tur hende, pero mester tene cuenta cu AZV su ley. “Ley ta skirbi preto cu blanco, no tin un caminda memey.”
E comision cu ta duna conseho na AZV ta haci esaki a base di loke ta prescribi den ley. Mester sigui e conseho, pasobra ami no ta dokter ni specialista cu por determina kende mester di tratamento afo. Tin hopi otro caso cu e fondo di AZV no ta cubri cobertura pa nan. Unabes cu duna cobertura na un, mester duna tur cu ta cay den e mesun tipo di caso. Nos kier yuda, pero tin ley y criterionan cu un comision ta esun cu ta duna su conseho riba esaki.
=-=-=
