Ayera algo pasa di 3:00 pm tabatin varios area pareu cu a raporta cu coriente a bay. N.V. Elmar mesora a comunica via su pagina di Facebook cu ta trata di un interupcion den produccion di coriente den planta di WEB. E areanan afecta tabata Palm Beach, Oranjestad, Sabana Blanco, Balashi, un parti di Savaneta y vecindario. Ironico ta cu WEB Aruba N.V. nunca a sali pa splica cliente kico a sosode den su planta, cu a conduci na e fayo atrobe den suministro!
Minister di Energia, Glenbert Croes, a reacciona mesora riba su pagina di Facebook. Probablemente hopi critica y ya cu a anuncia cu campaña a inicia diadomingo ultimo, cu no por sigui wanta tanto keho di pueblo riba maneho di companianan di utilidad.
Ta birando normal cu coriente ta djis bay y como cu WEB ta gosa di monopolio (ainda), ta haci cu nan por tin un maneho arogante di no sali splica kico a sosode den nan red di produccion.
Locual nos a compronde ta cu den WEB nan tin ocho diferente feeder cu ta manda coriente pa N.V. ELMAR, cu na su turno ta distribui coriente tur rond di nos isla, tanto pa casnan como negoshi.
Tres biaha e aña aki a paralisa nos economia pa oranan largo, cu tur consecuencia cu esaki ta bin cu ne. Ayera no tabatin blackout, pero algun bario a keda sin suministro simultaneamente, cu tur consecuencia pa comercio y pa clientenan residencial.
Pa un articulo mas amplio, subi TREMPAN.
