Un tempo tabatin un sorto di zona special economico na San Nicolas, cu tabata duna incentivo fiscal. Ta algo cu gobierno pa sondea kisas pa atrae mas comercio.
Riba esaki, minister di asunto economico, Geoffrey Wever, durante un rueda di prensa di gobierno, a indica di a institui un comision economico, hunto cu departamento di asunto economico, diferente fiscalista, accountant, abogado, gremio comercial unda cu a reuni na tres ocasion, tambe diferente sesion di brainstorming, pa mira kico t’e incentivonan economico y fiscal cu ta necesario pa stimula e inversionnan y den esaki tambe un biaha mas, locual cu tabatin antes, esta e San Nicolas Special Zone a bolbe bin dilanti den un forma adapta y a bira parti di e documento ey cu aworaki ta den su fase final.
Wever ta pensa cu estimulo fiscal ta necesario pa atrae inversion y a cuminsa aworaki cu e modernisacion di e vestigingsbeleid, enfoca riba esey y e di dos paso lo ta pa sigui traha riba e producto cu e comision recuperacion economico a prepara. Esey ta den dje tambe, segun e mandatario.
