Dialuna Prome Minister a anuncia cu na september e ta entrega mando di partido, cual ta algo cu algun luna pasa ya caba el a anuncia esey. Pero e noticia cu a shock hopi hende, incluso e mandatario di FUTURO, kende a expresa cu e declaracion haci ta sin consulta.
Na su yegada, mr. Gerlien Croes, Minister di Enseñansa, a indica cu riba media social el a duna un reaccion chikito di e anuncio. El a sigui indica cu e ta bayendo un reunion y despues di esey e por bisa mas.
Postura di FUTURO no ta bay cambia, pasobra nan a bin pa traha p’e comunidad di Aruba. E mandatario ta kere cu den un aña y mey nan a demostra cuanto a cuminsa na ehecuta caba. Aruba mester di stabilidad. “For di inicio partido FUTURO a presenta su mes tambe c’un pensamento diferente di locual ta custumber”, Minister Croes a indica.
E ta kere cu Aruba por miho y ta algo cu nan a demostra. Incluso e ta kere cu futuro di Aruba mester lo ta defini diferente na loke e ta aworaki.
Croes ta corda cu algun luna atras prome minister a anuncia lo bin cambio den liderazgo di e partido. A pesar di a anuncia e cambio ey, Eman no a anuncia e momento ey ta su deseo di baha como prome minister. “P’esey mi a bisa tambe, mi no sa ayera si impulsivamente of emocionalmente el a bis’e.”
E ta kere cu probablemente tin motibo cu el a uit su mes di e forma ey sin cu a consulta. Esey por ta un realidad, pero durante e reunion Croes lo haya sa mas.
Pa mas lesa TREMPAN.COM.
