Diaranson mainta Minister di Turismo y Salud Publico Dangui Oduber a haci un bishita na La Cabana Beach Resort & Casino.
General Manager di La Cabana Resort, Joe Najjar, su staff y personal na un manera masha amabel mes. A ricibi un presentacion amplio y por mira tur e desaroyonan cu ta andando na e resort. Tambe a pasa riba e cifranan di e hotel, e plannan di e hotel y e inversionnan cu ta tumando luga.
Minister Oduber a keda hopi impresiona di tur e plannan di mehoracion y renobacion cu La Cabana tin pa mehora nan producto cu nan ta ofrece na nan huespednan. Nan a cuminsa ehecuta un masterplan cu ta encera renobacion tur nan cambernan.
Construccion di un piscina solamente pa adulto, construccion di un “activities center” nobo cu piscina pa mucha. Tambe nan lo renoba y reorganisa nan restaurantnan.
La Cabana a haci un inversion grandi di $28 miyon dollar cual sigur ta demostra e confianza cu La Cabana tin den Ministerio di Turismo su vision, su maneho, nos economia y producto Aruba. La Cabana ta uzando nos contratistanan local y tambe empleadonan local. La Cabana ta un hotel di timeshare y mayoria di nan empleadonan ta hendenan local.
Finalmente e mandatario a gradici Najjar Gerente General di La Cabana, su staff y personal pa un bunita mainta hopi receptivo.
