Milton Ponson, presidente di Rainbow Warriors Core Foundation, ta bisa cu a keda hopi sorprendi riba e manera cu e anuncio a wordo haci tocante aprobacion pa Compania Arubano di Petroleo, CAP, firma cu compania Armstrong Oil & Gas Inc. pa exploracion di gas of petroleo den suelo di lama rond Aruba.
Ponson ta bisa cu tempo Repsol, e compania Spaño a bin Aruba pa acerca gobierno pa haci ‘exploratory drilling’ unda ful un proceso a sigui encabesa pa medio di CAP, e tempo ey bao cabes di director Armando Curet, un geologo studia den e materia.
E proceso di Repsol na un dado momento tabata asina cu den parlamento di Aruba, gobierno a presenta e acuerdo pa duna Repsol oportunidad pa haci sondeo den lama. A bay parlamento pa pidi pa un ley pa regla esaki,y akinan por mira un diferencia di kico ta pasando awor y kico a pasa den tempo di Repsol. “Ta parce cu gobierno a salta un paso legal na unda mester a presenta ful e negociacionnan aki,” segun Ponson. Basicamente puntra parlamento di Aruba pa por haya un aprobacion pa firma e contract.
