Awor aki gobierno ta haci cu comosifuera ta bay scapa Aruba, ta bay scapa Lotto, ta un none sense grandi, segun miembro di fraccion di AVP, Mike de Meza, den un entrevista durante Enfoke diaranson merdia.
E ta sigui bisa cu tempo cu AVP a drenta den gobierno na 2009, nan a haya un fundacion Lotto pa Deporte na werki cu debe grandi.
Historicamente Lotto nunca tabatin debe. Tempo cu AVP a drenta nan tabatin un debe di mas di 30 miyon, caminda cu tabatin fiansa na banco, na APFA y hasta contratista cu ta haci trabao pa Lotto tabata presta placa. Es decir, Lotto tabata bay contratista presta placa pa por paga proyecto.
Lotto no por a garantisa e premionan. Nan tabata bezig cu bende ticket di loteria, pero no por a garantisa si premio cay. Tabata un situacion hopi malo, segun de Meza.
Pa mas cobertura lesa TREMPAN.
