Petroleo Mericano a cay bao di 100 dollar diamars, ya cu e creciente miedo na recesion a podera e mercado.
Hopi analista a bisa cu e benta a bay demasiado leu y cu ta probabel cu e prijsnan mantene activo mientras cu e produccion Ruso ta cay.
Pero Rystad Energy a bisa cu e prijsnan por cay te cu 55 dollar pa bari na final di aña, si e demanda cay den otro pero e produccion Ruso sorprende.
E prijsnan di petroleo a cay diamars n’
Petroleo WTI, e prijs di petroleo na Merca, a registra e mayor caida desde april te cu un minimo di cuater luna bao di 100 dollar pa bari. Crudo Brent, e referencia internacional, a cay te cu 101 dollar, compara cu e 140 dollar na principio di maart.
Diaranson WTI tabata net riba 100 dollar, mientras cu Brent a subi na 104 dollar.
E caidanan fuerte di prijs a produci ora cu e operadornan a reduci nan expectativanan di demanda, na momento cu e advertencia di economistanan a aumenta riba un posibel recesion impulsa p’e banconan central. E fortalesa di e dollar Mericano – ta calcula petroleo na dollar – tambe tabata pisa riba mercado.