Departamento Meteorologico di Aruba ta pronostica cu awe nochi shelo lo ta parcialmente nubla cu un awasero pasahero den marduga. Mañan shelo lo ta parcialmente te hopi nubla cu un awasero breve te modera.
E situacion general di tempo pa e proximo 24 oranan ta cu humedad ta sigui persisti den region y esaki lo pone temporalmente hopi nubia pasa riba Aruba. Den proximo 24 ora por spera un awasero breve riba parti di e isla cu chens ainda pa strena cu lamper. Debi cu e yobida por ta modera te fuerte, lo por causa molester na cierto parti di nos isla.
Tropical storm Bonnie tabata situa na 200 km oost-zuidoost di Bluefields Nicaragua. Bonnie ta move den direccion west cu 31 km/h y bientonan maximo di 65 km/hr. Departamento Meteorologico di Aruba lo sigui e desaroyo rondo di e sistema aki.
Meteo ta pronostica pa e proximo 3 dianan cu shelo lo taparcialmente nubla cu un awasero breve. Biento lo supla ta for di direccion oost y modera te basta fuerte. Temperatura lo ta max 33 y min 27 grado Celsius.
