Servicio Meteorologico di Aruba (Meteo) ta informa cu awe nochi y mañan mainta shelo lo ta parcialmente nubla cu hopi chens di awasero. Biento lo ta modera te basta fuerte for di direccion noordoost y zuidoost cu forsa 3 te 4 (12 te 30km/ora, 7 te 16 nudo).
Situacion general di tempo pa proximo 24 ora:
Humedad abundante den atmosfera laga atras pa un Ola Tropical cu ta moviendo bay west lo produci algo diawasero local den proximo 24 oranan, principalmente den oranan di marduga y mainta di diaranson cu chens hasta di strena cu lamper.
Tempo tropical significante:
Un Ola Tropical den parti oost-central di Caribe tin chens di sigui desaroya y bira un horcan den proximo 5 dianan ora e ta den parti west di Caribe.
Un otro Ola Tropical den parti central di ocean Atlantico tin un chens grandi di sigui desaroya y bira un horcan mientras e ta move west riba awanan di atlantico central.
