Servicio Meteorologico Aruba (Meteo) ta pronostica cu Diadomingo anochi shelo lo ta parcialmente nubla cu awasero local. Den marduga y dialuna e lo ta parcialmente nubla tambe compaña cu awasero local. Temperatura maximo lo ta di 31 grado Celsius y temperatura minimo 25 grado Celsius.
Biento:
Biento lo ta modera for di direccion oost te oost-noordoost, cu forsa 3 te 4 (12 te 30 km/ora, 7 te 16 nudo). Den dia basta fuerte te posiblemente fuerte den rafaga, cu forsa 5 te 6 (31 te 50 km/ora, 17 te 27 nudo).
Situacion general di tempo:
Den e proximo 24 oranan no ta spera cambionan significante den e tipo di weer cu tin actualmente. Principalmente den oranan di marduga y mainta por forma hopi nubia temporal y tin chens e ora ey pa awasero local.
Condicion di lama:
Olanan di lama lo ta for di direccion oost- noordoost cu haltura di 4 te 7 pia; e olanan di mas halto lo ta na costa noord te noordwest di nos isla.
Pronostico di tempo pa proximo dianan di siman:
Shelo lo ta levemente te parcialmente nubla cu chens pa awasero pasahero. Biento lo ta generalmente for di direccion oost y modera, den dia basta fuerte den rafaga. Temperatura max/min lo ta: 31/26 grado Celsius.
