AVP a entrega dia 3 di september di aña pasa un concepto pa bin un cambio den e landsbesluit cu ta ehecuta e ley di maatschappelijke zorg pa loke ta bijstand na esunnan cu handicap di 0 pa 16 aña, segun parlamentario drs. Mervin Wyatt-Ras, durante un entrevista den Enfoke.
E ta sigui bisa cu ya caba e grupo di mas edad ta hayando un bijstand. Sinembargo e grupo di 0 pa 16 aña no ta hayando ningun sosten ni ayudo di gobierno. Mientrastanto e grupo aki ta un grupo hopi vulnerabel.
Na momento cu e mayornan ta informa cu nan tin un yiu cu un of otro dificultad, deficiencia of nan yiu ta autista of tin un problema mental of motorico fisico, ta haya nan mes confronta cu un incertidumbre. Nan tin cu bay busca test y hopi biaha nan mes mester paga esaki. Un dado momento e mucha no por papia, tin cu bay busca e yudansa p’asina e mucha por siña papia via di un logopedista cu nan mester papia.
Otro tin problema di come, mester duna e muchanan aki cuminda special via sonde, loke ta costa.
Tambe pa loke ta trata tur e otro adaptacion, sea na vivienda, paga fisioterapia. Tin mucha cu tin problema sensor- y motorisch cu dado momento mester tin terapia p’esaki.
Pa mas detaye lesa TREMPAN.
