Diadomingo atardi a saca e ganado di e campaña pa clientenan di Tanki Leendert Service Station y Sasaki Service Station. Esaki a tuma luga na Palm Beach Plaza caminda for di un pool yena di couponnan un man inocente den persona di un mucha chikito, a saca e coupon ganado. E ganado a resulta di ta Merveline Hernandez di Modanza #3. Merveline a gana un Chevrolet Aveo 2021.
E sacamento di e ganado a keda transmiti en bibo riba 24ora.com y programa di Caribbean Bingo. Su tras a purba yama e ganado pa dun’e e gran noticia di su premio, pero lamentablemente no a logra contact’e e momento ey. Organisadonan lo encarga di pone na altura y pronto lo anuncia e entrega oficial di e premio.
Durante e transmision representante di Stern a haci traspaso di e yabi pa e organisadonan di e campaña. Di biaha Tanki Leendert Service Station y Sasaki Service Station a anuncia cu ta cuminsa e siguiente campaña cual e fecha di sorteo lo ta dia 19 di December 2021. Masha pabien na Merveline Hernandez cu su premio.