Por lo menos algun chauffeur na Aruba merece un premio. Premio pa e simpel motibo cu nan tin e curashi y cuer’i cara di e blokia hasta entrada di polis na nan propio warda.
Mientras polis a cuminsa detene diferente persona den oranan trempan di merdia, nan a haya nan mes c’un situacion peculiar. Aki ta caminda cu chauffeur di un Mitsubishi color blanco numera A-51241 y dos Kia Rio a blokia entrada di e defensornan di ley.
No mucho leu, un Mitsubishi Lancer color blauw a dicidi cu e ta para na un parada di bus y no ta worry si bus tin cu para ey of laga. E tambe polis a pidi takelwagen pa lant’e.
Haya sitio pa parkeer bo auto cerca di e parada ta dificil, pa cual algun a dicidi di blokia entrada di polis y para na parada di bus. Multa ta locual no lo haci falta.
