Diadomingo anochi pa 11:20 pm a raporta un caso di hit and run den e bocht skerpi di Buena Vista, patras di aeropuerto. Un auto lo a dal tras di un auto marca Mercedes Benz, numera A-83, cu consecuencia cu e auto a drenta mondi.
Chauffeur di e Mercedes Benz a haya un kap na su cabes, pa cual motibo mester a transport’e pa hospital pa un chekeo medico. Polis di trafico a presenta pa tuma datonan di e sucedido. Daño material tabata bastante.
