Diadomingo anochi, un tiki prome cu 11:30 pm, polis a presenta den Koningstraat na altura di Budweiser Bar. Bisiñanan a yama bisa cu eytras tin bendemento di droga pisa, comosifuera ta e negoshi di mas normal na mundo.
Sinembargo, na yegada di polis no a constata bendemento di droga, pero si a topa cu aglomeracion di hende. Mesora a manda tur hende cas y a ordena nan pa plama for di eybanda. Manera cu tur hende a bandona e area, polis tambe a continua cu nan patruya riba caya.
