Diahuebs merdia pa mas o menos 12:30pm a tuma luga un accidente net dilanti Marisol Building, unda c’un Mercedes Benz colo shinishi, number GBL a sali dilanti di un quardracer.
E impacto a saca e conductor for di quardracer y tabata keha di dolor na su rudia. Polis a presenta na e sitio pa asina tuma dato di e suceso. Mirando cu e conductor tabata keha di dolor, polis a pidi presencia di ambulance. E paramediconan a atende cu e conductor n’e sitio pero despues a opta toch pa transport’e pa hospital pa checkeo medico.
Despues cu ambulance a bay cu e herido, polis a keda na e sitio pa yuda alivia situacion di trafico, cu a keda pega door di e accidente aki, cu a sosode den ora pico di merdia.
E Mercedes Benz a sufi basta daño, mientras cu daño n’e quardracer tabata minimo.