E ta un situacion cu hopi ta considera inhumano. Tambe e ta algo cu gobierno mester atende. Mientras cu Andin Bikker ta bisa di kier cuminsa test case pasobra Hulanda no kier duna Aruba placa, e no por handle ni e situacion na Guarda Nos Costa. Mientrastanto tin un cantidad grandi di homber cera na FOL na Airport y tambe un cantidad di Homber y Muher cera na Ex Prison na Dakota den container.
Andin Bikker y Prome Minister ta wordo cuestiona for di e stranheronan aki. Cos a bay asina leu cu casi no ta duna espacio pa e hendenan aki atende cu nan famia. E situacion ta asina peligroso cu hasta ta pone bida di e trahadornan den peliger. Esnan na FOL y Dakota nan bida ta core peliger. Tin apenas tres of cuater persona pa cada warda pa cuida casi 40 indocumenta cu ta pendiente nan deportacion.
Mientras ta sigui detene hende y hibanan Dakota of FOL, mester crianan tres biaha pa dia. Ta tende cu awor ta pidiendo papel di WC pa famianan trece pa nan ser keri cu ta warda pendiente deportacion. No tin fecha di deportacion pasobra frontera ta cera. Mester keda cria e hendenan aki tur dia. Entre e grupo aki tin criminalnan cu tambe a sali di KIA y ta pendiente deportacion. Entre e criminalnan aki tin cu tambe a huy recien.
Na Dakota tin container pa cera hende. Generator ta traha henter anochi y ta zaag bentanan di hero y asina huy bay sin cu hende a scuchanan. E situacion na Dakota ta hopi dificil y mescos unda tin hende cera na FOL na Airport. Esnan inducumenta cu tin cera a manda un peticion na Prome Minister y Minister di Husticia pa mandanan bek nan pais of si no duna nan libertad te ora cos normalisa.
