Un vehiculo marca Mazda a keda total loss despues cu e tabata envolvi den un accidente den bisindario di Tamarijn. No tabatin persona herida. Esaki tabata e di dos accidente cu a sosode awe mainta den e bisindario ey.
E vehiculo tabata biniendo for di Seroe Pita bayendo direccion di Tamarijn. E chauffeur a perde control net den e bocht pa cual el e auto a bay dal den pilar di e cas. E impacto a causa cu e vehiculo a dal un buelta, pa dal e parti patras di e auto tambe. Pero cos no a caba ey, pasobra e vehiculo a dal otro spin y a bay keda para te na e otro banda di caminda. Un tubo di awa tambe a kibra den e accident aki.
Paramediconan a atende e chauffeur, pero e mes a keda di bay dokter.